إحكوووا بصرااااااااااااااااحة

يا جماعة حابب اغير شوي من الروتين القاتل بحياتنا
والي هو عدم حرية التعبير عن الرأي
أنا هون حابب احطم هالشي هاد واكسروا تكسير هون يا جماعة
بدنا نحط موضوع نتناقش فيه وشو ما يخطر ببالك حطوه
انا جاي عبالي أحط موضوع يمكن قسم منكم حيشوفو سخيف بس انا شايفو كتير حلو ومهم
ايش رأيكم بجنين ومجتمع جنين ككل؟؟؟
احكوووو بكل صرااااحة شو الاشي الي عاجبك والاشي الي مو عاجبك شو ما كان
شباب صبايا من دون عنصرية اوووك

احكيلك شو اكتر شي صاير يزعجني بجنين ...
بطلو البنات يئدرو يمشو في الشوارع !!! يعني من فترة مش كتير بعيدة .. ما كانت جنين هيك .. انو بجنين الكل بعرف بعض .. لو وحدة ماشية في الشارع .. ما حد بسترجي يحكي معها .. لأنو الكل بعرف هاي بنت مين وهاي أخت مين .. ( البنت المحترمة طبعا ) .. بس من جديد .. صاير الوضع والشوارع والسوء بالمرررررة !!! ما بتئدر البنت تمشي وهي مأمنة ع حالها .. حتى لو ما كانت لحالها !! طيب ليش يعني ؟؟ ايش اللي صاير ؟؟ مش لازم كل شب يتطلع ع اي بنت ماشية بالشارع ع انها اختو ؟؟ ويخاف عليها متل ما بخاف ع اختو ؟؟ ما بظن نئدر نصلح الوضع هاد .. لأنو هاي عئليات ونفسيات خربانة .. بس يا ريت يكون في شي بئدر يغير هالوضع !

كلام كتير سليم انا معك بهالشي البنت بطلت تقدر تأمن على حالها ما بعرف ايش صاير لشباب وبنات هاي البلد وانا بركز على شباب هاي البنت يعني بجد اشي مقرف انو تقعد تعاكس او تضايق بنت بالشارع يا عمي اعتبرها اختك بنت عمك اي شي ما بتتخيل هيك شي عدا عن انو حراام

يا ريت لو نئدر نأثر عليهم لهالشباب .. ونغير بتصرفاتهم شوي ..
ويا ريت كل الشباب عندهم نظرتك هاي وفهمك هاد

صراحه انا مع حرية المرأه ولازم يطالبو البنات بهيك اشي
بس مجتمعنا السلبي دايما ما بدي احكي اشي تاني دايما بوخد فكره سيئا عن هالاشي
مش عارف ليش بصير هيك عنا
يعني هاي عادات وتقاليد وكمان نفسيات تعبانه زي ما حكيتو ما بنقدر نغير فيها اشي عالفاضي
وبعدين لازم الاهل يتفاعلو مع هالاشي لانو مادام عارفين بنتهم مربيه لازم يعطوها كامل الحريه طبعا بالاشي المحدود
والموضو حلو كتيير ولازم الكل يعطي ارائه وافكاره
لانو عنجد مش بس البنات وكمان الشباب يمكن يعانو من كتيير اشياء وكلو بسبب العادات والتقاليد

أحلى شي الثقة حبي لازم يكون في ثقة صح هيك قصدك انت ؟؟

طيب اموووووت واعرف ليش اهل جنين ما بسدئو ع الله ويشوفو شوفة ليحكو عليها اللي بنحكى واللي مااا بنحكى !! يااااا الله شوووو بحبو الحكي ع الناس وشو بحبو الاشاعات .. يعني لو يشوفو البنت ماشية لحالها .. حتى لو كانت مشيتها قمة في الادب .. ما بخلو كلمة ما بحكوها عليها .. اصلا ئبل كل شييييي هاد حراااااام ... والا ما بعرفو عن قذف المحصنات وانو بوجب الحد ؟! انا عارفة شو بدنا نغير والا نغير ؟!

انا والله ما بحط الحق على الشباب بس كمان على البنات بس طبعا مش كل البنات ولا كل الشباب نفس الشي

وكتييييييييير حلو الموضوع

والله معكم حق يعني البنت مابتعرف تمشي بالشارع الا مايكون مليون عين عليها ومو شرط مؤدبة او لا بالعكس المؤدبة بيعاكسوها اكتر وكمان يعني الشي يلي بيقهر انو حتى المحجبة ويلي بتلبس عباية مابتسلم منهم يعني شو نعمل وين نروح لحتى يبطلو , انا برأيي لازم يكون في شرطة اداب ولا بس شرطة للمرور والسير وووووو

انا شايفة في كتير مبالغة بالموضوع
صح في حكي وتلطيش وزعرنات بس مش لهالدرجة اللي وصفتوها انتو ...
واصلا لو البنت ما بتعطي مجال ما بصير هيك اما ازا من الاول ما بتعطي الشب وجي ببطل عنها وبدور ع غيرها يلطشها
عالعموم هاد رايي وما في داعي لكل هاد التهويل ... عادي دايما البنات والصبايا بطلعو مع بعض وبغيرو جو
واللي محترمة هي بتفرض عالناس يحترموها

احلى تحية الك دانا .. كلامك صح .. بس والله في ناس ما بتزوء ع دمها .. هدول ما بدهم الا العين الحمرا عاد Crying or Very sad

اااااه ما بيجو الا بالعبن الحمرا
بس برضو والله اهل جنين بجننو ... واصابع ايدك مش متل بعضهم صح؟ Smile

معكن حق هاد الشي برجع للطرفين مو بس لطرف واحد بس انا من جهتي مش حلو انو الشب يسمع بنت حكي لو حتى هي عطتو وجه لانو شغلة مش حلوة
يسلمو على مشاركتك دانة

طيب انا عندي شي وحابة اعرف رأيكم في
لو انتو ماشيين بالشارع ولاقاكم مصباح علاء الدين شو اول شي بتتمنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هههه هو طبعا مستحيل يلاقينا بس ان صار رح اطلب انو يسود الحب والناس تحب بعض وتنتشر هداة البال وتتحرر البلاد

مممممم
ما بعرف هاد هو الي خطر ببالي لاول وهلة
7878 ههههه حلوة لاول وهلة مووو؟

ممممم بما انو احنا لاجئين من منطقة اسمها (الفالوجة)
بتمنا عنجد اني فيوم من اليام ازورها لاني قرأت عنها كتير وسمعت انها كتير حلوة خصوصا انها عالبحر

هاي امنيتي اني اقدر ازورها بيوم من اليام لحتى اعرف اصلي
Smile

مساالخير بالنسبة لموضوع جنين اهلها وشبابها اللي تفضل فيه عدى العمر انا بتفق بالراي معك يا دانا وبخالف رايك يا انجل بس طبعا مش بك رايك .
وبدي سال عن موضوع حضرتك يا انجل اتفضلتي وذكرتيه عن حرية المراة والبنت ايش بتقصدي وايش الحرية الي بتطلبيها ؟

حج ارجع اقرأ فوء .. مش انا اللي حاكية عن حرية المرأة ..
بس يعني انت ضد حرية المرأة ؟؟ حرية المرأة بحقوقها المشروعة اللي شرعها الاسلام

طبعا انا مش ضد حرية المراة بس في ناس كتير فاهمين حرية المراة بطريقة غلط. وعلى فكرة موضوع حرية المراة موضوع مهم انو ينحكى فيه وانا بقترح انو اي واحد عندو راي بخصوص هاد الموضوع يعطي رأيو.

وانا يا " حجة " انجل اسف لاني حكيت انك انتي اللي حكيتي عن موضوع حرية المراة بس كانت سرعة مني في الكتابة وفي ارسال المساهمة
بس عندي طلب صغير انو تناديني باسمي في المرات الجاية يعني قصدي ما تناديني " حج "

يا جماعة هدو مالك مش محرزة يعني الشغلة احنا مو عاملين هاد المنتدى للخلافات يعني بعدين استاذي ثائر شغال عنا بالجامعة انت لازم تعرف انو انجل هيك هي بتحب الضحك والمزح فيعني تحمل استاذي ولو مالنا ماحنا الي بنضحك ولا شو استاذي

انا ماعندي خلاف مع حدا يا عباس وبالعكس بعتبر كل الموجودين في المنتدى مثل اخوان الي وانا كمان بحترم اي راي بيعبر عنو صاحبو حتى لو ما كنت مع رأيو.
بعدين انا يا استاذ عباس متلي متل اي واحد في المنتدي يعني شغلة استاذ بالجامعة يمكن تعمل شوية حواجز. وعلى فكرة انا كمان بحب المزح.

ولا يهمك يا ثائر ولو باااطل عنا هون بتلاقي المزح والضحك والجد واحلى مواضيع كمان صح يا جماعة

thaer كتب:: طبعا انا مش ضد حرية المراة بس في ناس كتير فاهمين حرية المراة بطريقة غلط. وعلى فكرة موضوع حرية المراة موضوع مهم انو ينحكى فيه وانا بقترح انو اي واحد عندو راي بخصوص هاد الموضوع يعطي رأيو.

وانا يا " حجة " انجل اسف لاني حكيت انك انتي اللي حكيتي عن موضوع حرية المراة بس كانت سرعة مني في الكتابة وفي ارسال المساهمة
بس عندي طلب صغير انو تناديني باسمي في المرات الجاية يعني قصدي ما تناديني " حج "

بسحب كلمة " حج " انا .. ما كان ئصدي فيها شي .. بس متل ما ئلك عباس اني بحب امزح وهيكا .. وسوري ازا دايئتك ثائر .. بدون عمو حتى .. واحنا هون عيلة وحدة واخوان متل ما حكيت .
وحرية المرأة صح موضوع كتير مهم .. أنا برأيي .. حرية المرأة الها حدود .. ما بصير نطالب تكون مطلقة .. مش خوف منها .. خوف عليها .. والا شو رأيك انت ؟