الغيرة

موضوع: الغيرة الإثنين مارس 30, 2009 11:30 am

الغيرة الكل عارف شو معنى غيرة والكل موجودة في ويمكن الكل جربها اما انو يكون هو الي بغار او انو حد يغار عليه
الكل بعرف انو الغيرة بتيجي بين جنسين مختلفين
بس انا صارت قصة غريبة مع شب اسمو (س)
تعرف على شب (ص) من شي شهرين وسبحان الله كيف وليش ما بعرف قوية علاقتهم لهدرجة وكأنو الهم اكتر من سنتين بعرفو بعض
هلا المهم الموضوع انو في شب تاني(ح) بعرف صاحبي هاد وكانت علاقتهم عادية واقل من عادية
بس من شي اسبوعين هاد الشب التاني(ح) صار يغار على الاصحاب التنين وصار يحاول يفسد الشب(ص) على صاحبي ويحكيلو انو هاد(س) مو منيح وانو انا بعرفو ومن هالحكي الي الكل عارفو وراجعني الشب بالموضوع وحكيتلو سيبك منو هاد الشب مريض وانو هو بغار عليك ومش أكتر
فهلا موضوعنا انو بجد ممكن يكون في غيرة بين تنين من نفس الجنس؟؟ وان كان في غيرة شو حيكون نوعها؟؟ هون هو موضوعنا

موضوع: رد: الغيرة الإثنين مارس 30, 2009 3:02 pm

يسلمو ايدك على هالموضوع يا عدا العمر
كتيييير موضوع ساخن ولازمو نقاش
لانو انا متل هاي القصة صارت معي اكتر من مره

بس اخر مره صارت معي كانت زيادة عن اللزوم زي مش عارف بشو بدي اعبر عنها ,انا مو زعلان انو الشب بحبني ويمكن معتبرني زي اخوه واكتر
بس في الها سلبيات كتييير لانو صار مابدو اياني امشي مع الشباب اللي ما بحبهم ويفسدلي عن شب صاحبي حكي هبل عشان يفرقنا عن بعض واكيد صاحبي بعز علي اكتر منو وبعدين انا متأكد انو الحكي اللي قالو الشب عن صاحبي كدب واستحقرتو كتيير يعني ما بدل ما احبه صرت اكرهه

عقولت المتل (اجى تا يكحلها عورلها عينها )

وهاد حكي كتيير خطيير يعني يحكي عن الناس عشان بحب صاحبة حكي غريب وهبل وانا ما برضاها
انا الصديق لمن برتحلو ما بستنى حدا يحكيلي هاد منيح وهاد عاطل

وفي ناس اغبية وتفكيرهم سلبي دايما فبصدقو هيك اشي
فبحب احكي اشي انو هاي الغيرة ازا زادت يمكن تساوي اشي كتيير بشع فساد وحكي زي هيك
يعني لايفكر اللي بعمل هاد الاشي انو بدو يزيد محبة صديقة اللو بالعكس حيسئط من عينو وحيصير يكرهو كتييير لانو واحد فساد وكتييييير حكي

بتمنى الكل يتفاعل مع الموضوع لانو مش بس الشباب يمكن الصبايا اكتر بصير معهم هيك اشي

موضوع: رد: الغيرة الثلاثاء مارس 31, 2009 6:56 am

مبلا ممكن تكون هاي الشغلة موجودة بين شبين او بين بنتين ..
يعني مسلا في ناس انو ازا بصاحبو حدن .. ما بدهم هاد الحدن يصاحب غيرهم .. يعني متل حب تملك وسيطرة .. انو خلص انت صاحبي انا وبس وما بصير تكون صاحب لغيري .. وممكن يئزو هالصاحب ويئزو اللي حوليه كرمال هالشي !!‍ ومش صح ابدا هاد الحكي .. لأنو الصداقة عمرها ما كانت تملك

موضوع: رد: الغيرة الثلاثاء مارس 31, 2009 10:46 am

شو يا بي 2009 انت ما فهمت الي كتبتو انا منيح الي بحاول يخرب هو (ح) مش (س) وانت هو (ص) صحصح معي يا معلم

موضوع: رد: الغيرة الثلاثاء مارس 31, 2009 1:26 pm

عدلت اللي كتبتو لانو كتبتو قبل ما انام يعني يمكن يا عدا العمر انا خربطت ارجع اقرأها

موضوع: رد: الغيرة السبت أبريل 04, 2009 11:31 am

اوك حبي بس تاني مرة خليك مصحصح حبي معانا واتركك من النوم
في منتدى صبايا كوووووول مش حتقدر تطفي النت هع